***

Չափավոր խելագարություն է, սիրելիս.

կանցնի, չմտածես, կանցնի:

Կվերադառնանք քո փափագած անդունդը՝

տագնապներից, կրքից հեռու:

Չափավոր վաղեմության մոտիվներ են.

վայելում ենք շեղումը օրվա:

Հավերժի պատկերն ու անունը

փոխում ենք վայրկյանը մեկ.

Կանցնի, չմտածես, կանցնի:

Մի օր, երբ գանք սկզբնակետին՝

սնուցված այսօրվա տագնապով,

մեր բոլոր խոստումներ-պատքերը

իրենց դերը լիովին կկորցնեն:

Սիրելիս, չափավոր երջանկություն է,

չափավոր վախեր են, որ կանցնեն...