Կյանքը, որ դու ապրում ես առանց ինձ,
հավանաբար ինչ-որ հմայք ունի,
հակառակ դեպքում ճանապարհներս կգամվեին
քո հիշողության մանրաթելերով,
և ես չէի սլանա այնպիսի թեթևությամբ,
ասես ոչինչ չեմ թողել ուսերիս հետևում:
Կյանքը, որ դու ապրում էիր ինձնով,
Միևնույն խառնաշփոթն էր:
Իսկ իմ կյանքը հիմա խումհար է,
Ուր գլխացավը հետևանք չէ տոնախմբության,
հակառակ դեպքում որտեղի՞ց այս դառնահամն ու
ափսոսանքը
ավելորդ խմած վերջին մի քանի բաժակի համար:
