Ծնվել եմ 1983թ. : Գրում եմ դպրոցական տարիներից: 2000-2002թ. թղթակցել եմ «TV-ալիք»
շաբաթերթին, որտեղ տպագրվել են փոքրիկ արձակ ստեղծագործություններ, և վարել եմ «Հոգեբանի
անկյուն» պատանեկան խորագիրը: 2003թ. արժանացել եմ «Ալմանախ» գիտակրթական
համալիրի գրական մրցույթի «Արձակ
ստեղծագործություն» բաժնի առաջին մրցանակին, 2005թ.` Երևանի պետական
համալսարանում անցկացվող պոեզիայի մրցույթի մրցանակին: 2006թ. տպագրվել է
բանաստեղծություններիս «Հույսը» ժողովածուն («Զանգակ-97»):
Բանաստեղծություններս թարգմանվել են ռուսերեն և ֆրանսերեն լեզուներով,
վերջինս տպագրվել է ֆրանսահայ բանաստեղծ Վահե Գոդելի կողմից և տպագրվել
Փարիզում` «Europe: nevue literaire mensuelle» գրական ամսագրում 2011թ.:
2006թ.-ից մասնակցել եմ Հայաստանի Գրողների միության երիտասարդական բաժնի
գրական հանդիպումներին, տպագրվել բաժնի թերթում և գրական այլ թերթերում ու
ամսագրերում: Պարբերաբար մասնակցում եմ Ծաղկաձորի Գրողների հանգստյանն տանն
անցկացվող գրական միջոցառումներին:
Բանաստեղծություններից բացի
գրում եմ նաև երգեր կիթառի համար: 2008թ. հեղինակել եմ Լոս Անջելեսում կայանալիք
«Armenian Golden Star» հայկական երգի ամենամյա փառատոնի հիմնի խոսքերը: