Կապույտ առավոտ

Կապույտ առավոտ ու մեռնող գիշեր,

Աստիճանաբար սթափվող մենություն,

Մի գլուխ` ցավե¯ր, ապրումնե¯ր, հուշե¯ր,

Հին վարկածների վերջնական հերքում:

Մի պահ բերկրանքի ցավոտ արթնացում,

Հին սկավառակում` օրհնյալ ժապավեն,

Ժապավենի մեջ` ինչ-որ պատմություն,

Հանուն ուրիշի գրված ռեքվիեմ:

Մի տխուր, բայց ջերմ խաղի վերջաբան,

Ամեն առավոտ արթնացող վերքեր,

Ամեն օրվա հետ ծնվող վախճանում`

Անվերջ փնտրվող երազի հետքեր...